10
9
8
7
6
5
4
3
2
1
  • Aurkezpena

    www.onlinezurekin.org webgunearen helburua da ausazko jokoari eta teknologia berriei (Internet, sakelakoak, bideojokoak) buruzko ahalik eta informazio argi eta objektiboena ematea, esparru horietako azken berriak ematea eta baita iritzi publikoa sentsibilizatzea eta kontzientziatzea ere, baliabide horien gehiegizko erabilerak dakartzan arriskuez jabe daitezen.

online zurekin
JARDUNALDIA - Jokoarekiko mendekotasunaren eta beste mendekotasun batzuk PDF fitxategia Inprimatu

Zer harrapatzen gaitu?

JARDUNALDIA - 2013-ko urriak 26, larunbata
Simone de Beauvoir Elkarteen Etxea. 2. Solairua 09:30tik 13:30era.


AURKEZPENA

Portaerazko menpekotasunek gero eta garrantzi gehiago dute mendekotasunen esparruan. Ausazko jokoekiko eta apustuekiko mendekotasuna da gehien hedatzen ari dena. Dena den, badira gero eta gehiago agertzen ari diren beste mendekotasun mota batzuk, besteak beste, erosketekiko, sexuarekiko edota teknologiarekiko mendekotasunak.

Gero eta ohikoagoa da mendekotasun anitzak dituzten pertsonak topatzea. Esate baterako, ludopata batzuek gehiegikeriaz erabiltzen dituzte hainbat substantzia (tabakoa, alkohola, kokaina, kanabisa, etab.).

Halaber, batez ere gazteen artean, gero eta ohikoagoa da teknologiak jokorako sarbide gisa erabiltzea. Gainera, teknologien erabilera okerraren ondorioz, beste mendekotasun batzuk sortzen dira, sare-mendekotasun izendatzen direnak.

Jardunaldi honetan gai horien inguruan eta lotura duten beste gai batzuen inguruan gogoeta egin nahi dugu. Galdena hau erantzun nahi genuke: "Zerk harrapatzen gaitu?”!

 

Jardunaldiko programa

09:30·10:00 Jardunaldiaren eta hizlariaren aurkezpena.
10:00·12:00 Hitzaldia "Zerk harrapatzen gaitu? /Modu berriak, mendekotasun berriak". Ana Estevez Gutierrez andrea. Doktore psikologian. Deustuko Unibertsitateko Nortasuna, Balioespena eta Psikologia Tratamenduak Saileko irakaslea. lkertzailea substantziarik gabeko mendekotasunaren esparruan.
12:00·13:00 Taldekako lana.
13:00·13:30 Jardunaldiaren ondorioak.

HARTZAILEAK: Kolektibo sozialak, mendekotasunaren esparruan lan egiten duten profesionalak eta edozein herritar.
DOAKO JARDUERA. Ezinbestekoa da Helbide elektroniko honek spam bot-en kontrako babesa du. Ikusteko Javascript-a aktibatu behar duzu posta elektronikoan izena ematea (urriak 21 baino lehenago). Bertan izen-bizenak, harremanetarako telefonoa, posta elektronikoa, lanbidea eta kolektiboa adierazi behar dira.

lnformazio gehiago nahi izatera, ASAJER elkartearekin jar zaitezke harremanetan telefono hauetara:
945 140 468 • 945 234 990 edo helbide honetan: Araba Jenerala 25-1. eskuina. 01005. Gasteiz.

 
ZK.21 ALDIZKARIA (Ludopatia eta Osasun Mentala) PDF fitxategia Inprimatu

AURKIBIDEA Zk.21 UZTAILA 2013
Ludopatia eta Osasun Mentala

Artikulua “Ludopatia eta Osasun Mentala”
Elkarrizketa
“Miguel Gutierrez Fraile“
Arazoa duen pertsona baten testigantza
Hiritarren erantzuna
“Ludopatia eta Osasun Mentala”
Gomendioak
“Gomendatutako liburua eta DVDa”

ZK.21 ALDIZKARIA DESKARGA
 
CIBERBULLYING GURASOENTZAKO GIDA PDF fitxategia Inprimatu

CIBERBULLYING. GURASOEK ZER DAKIGU HORRETAZ?

ZER DA?

Modu iraunkor eta errepikatuan gertatzen den berdinen arteko tratu txarra, gehienetan pertsona helduen ikusteeremutik urrun, eta pertsonari min emateko asmoz
gauzatua.

ZEINTZU DIRA BULLYINGAREN EZAUGARRIAK?

Biktima bat egoten da, pertsona baten edo pertsonatalde baten erasoa jasotzen duena. Pertsona indartsu eta ahulenaren artean desoreka egoten da botereari dagokionez. Ekintza edo ekintzak behin eta berriz gertatzen dira, denbora luzean eta modu errepikatuan.

BULLYING-MOTAK

• FISIKOA - kolpeak, bultzadak, ostikoak, kokotekoak, etab. Zeharka: lapurtzea, biktimaren objektuak puskatzea, haren gauzak ezkutatzea, etab.
• AHOZKOA - irainak, ezizenak, beste pertsona batzuen aurrean gutxiestea, etab.
• SOZIALA - Pertsona jazarria gainerako taldekideengandik aparte uzteko asmoa dago (zerbait esaten duenean ez erantzutea, hari hitzik ez zuzentzea, aisialdiko jardueretan edo ekintza akademikoetan partaidetza ukatzea, bere ondoan ez esertzea, lagunak harekin ez egoteko limurtzea, zurrumurruak hedatzea, etab.)
• PSIKOLOGIKOA- pertsonaren autoestimua kaltetzeko asmoz iraintzea, beldurra sentiaraztea, umiliatzea, etab.
• JAZARPEN ARRAZISTA
• SEXU-JAZARPENA - Biktima umiliatua sentitzen da.
• BULLYING BIRTUALA- CIBERJAZARPENA EDO
CIBERBULLYING - teknologia berriak erabiliz kikilaraztea litzateke.

- PDF GIDA Deskargatu

 
CIBERBULLYING Nerabeentzako gida PDF fitxategia Inprimatu

CIBERBULLYING Nola prebenitu, nola aurre egin

Adierazi nahi dut ciberbullyinga prebenitu egin daitekeela, baldin eta guztiok arduraz jokatzen badugu sarean:

• Ez bidali zurrumurru faltsurik
• Ez iraindu inor eta ez egin beste inori min eman diezaiokeen aipurik.
• Ez partekatu beste pertsona batzuen informazio pertsonala haien baimenik izan gabe.
• Inorekin arazorik baduzu, aurrez aurre hitz egin eta ez sarean ezkutuan jokatuz.
• Besteek zu tratatzea nahi zenukeen moduan tratatu zuk ere besteak.
• Laguntza behar duen inor badago, lagun iezaiozu. Hala, zuk laguntza behar duzunean, lagundu egingo zaitu.
• Ez bidali zure irudi pribaturik (argazkiak, bideoak, etab.) sarean. Ez dakizu nork izan dezakeen haiek hartzeko aukera.
• Sarean deseroso sentiarazten zaituen zerbait gertatuz gero, lagun zaitzakeen norbaitekin hitz egin.

- PDF GIDA Deskargatu


 
OHARTU PROGRAMA PDF fitxategia Inprimatu

AUSAZKO JOKOEKIN EDO DIRU-JOKOEKIN GURASO ARDURATSUAK IZAN GAITEZEN, ADIN TXIKIKOEN AURREAN

Ausazko jokoak, diru-jokoak, apustuak,…helduentzako jarduerak dira. Adin txikikoek ezin dute parte hartu.

OHARTU

GURASOEK ZER JAKIN ETA EGIN BEHAR DUTE

  • Ausazko jokoak eta diru jokoak ez dira adin txikikoentzat.
  • Seme-alabek ez dute pentsatu behar arazoen irtenbidea ausazko jokoan egon daitekeenik. Ez eman, beraz, hori pentsatzeko motiborik.
  • Neska-mutilek jakin behar dute ausazko jokoek, kontroletik kanpo daudenean, arazo ugari ekar dezaketeela: arazo ekonomikoak, familiakoak, gizarte mailakoak, eskolakoak, legeekin,… Bestelako mendetasunen errealitatea ezagutzeko hartzen dugun interes bera hartu beharko genuke ludopatia sakonago ezagutzeko ere.
  • Jokoa arduraz praktikatu behar da. Seme-alabek gurasoengandik ikasi behar dute zer den JOKO ARDURATSUA. Joko arduratsua modu kontrolatuan jokatzea da, ondo babestuta eta atseginez. Joko arduratsuaren helburu bakarra dibertsioa eta sozializazioa da.
  • Azken helburua, beraz, dibertimendua da. Hala izateko jokoak ekintza boluntarioa izan behar du.
  • Jolasteko arrazoia entretenimendua da; ez dirua irabaztea.
  • Dirua tentuz gastatu behar da. Inola ere ez erabili beste gastuetarako behar duzun dirua.
  • Jokatzeko, ez da mailegurik eskatu behar.

Gehiago jakiteko, laguntza edo aholkua behar baduzu:

"OHARTU" PROGRAMA

Gasteizen ludopatia detektatzeko eta gizarte arreta hobetzeko proiektua.
WWW.ASAJER.ORG - Helbide elektroniko honek spam bot-en kontrako babesa du. Ikusteko Javascript-a aktibatu behar duzu -
Tel.: 945 234 990 / 945 140 468
- PDF DESKARGA

 
<< Hasiera < Aurrekoa 1 2 3 4 5 6 7 8 9 10 Hurrengoa > Amaiera >>

JPAGE_CURRENT_OF_TOTAL